پنجگور: پروامءَ وانگجاھانی بندی ءِ بگیری ءَ جاھین ءَ زھرشانی روانکے کشگ بوتگ۔ زھرشانی روانک ءَ سول سوسائٹی ءِ کارکن، نودربر، جنین ءُزھگاں ھوار جتائیں بھرگاں سیادی داروکیں مردماں بازیں کچے ءَ بھر زرتگ۔
زھرشانی کنوکیں مردماں پلے کارڈ دستاں بوتگ اَنت کہ آیانی سر ءَ جتائیں اوگام نبشتہ بوتگ، آیاں واکدارانی بگیری ءَ اوگام جتگ ءُ وانگجاھی پچ کنگ ءِ لوٹ کرتگ۔
آیان تران کرتگ ءُ گوشتگ کہ چہ وانگجاھانی بند بوگ ءِ سوب ءَ زھگانی زندماں تباہ بوگ ءَ اِنت اے درگت ءَ ھندی واکداراں سدے پر نیست۔ ما گوں سرکار ءَ ھمے لوٹ ءَ کن ایں کہ وانگجاہ زوتاں چہ زوت پچ کنگ بہ بنت ۔
آیاں گوشتگ کہ سرکار بندیں وانگجانی بارو ءَ دلگوشءَ گور بہ کنت ءُ ماسڑانی بگیری ءَ کاروائی بہ کنت ، آیاں پہ زھگانی وانگ ءَ پابند بہ کنت۔
