نال: گوستگیں روچاں گریشگ ءِ جھمنند ماسٹر یونس ءِ آوار جنگ ءُ نکاہ کرتگیں جنک سمرینہ ءِ مات بسران ءُ ناکو مھمد آلم ءِ ایپ آئی آر نال پولیس ءَ نبشتہ نہ کرتگ، کھول پولیس گس ءِ دیم ءَ زھرشانی ءَ نشتگ۔
چہ زھرشانی نندانک ءَ مھمد آلم ءَ وتی تامربندے شنگ کرتگ ءُ گوشتگ کہ ما ھزدار پریس کلب ءَ شتگ ایں ءُ پریس کانپریس کرتگ مئے پریس کانپریس ءِ تامربند کور کنگ بوتگ۔ زی ما اد ءَ پولیس گس ءَ رزی داتگ مئے ایپ آئی آر ھم نبیسگ نہ بوتگ۔
آئی ءَ گوشتگ کہ من ءَ جنین گون اِنت ءُ ما اد ءَ آتکگ ایں بلے کس مئے گپاں گوش دارگ ءَ نہ اِنت، پما نیزگاریں مردماں اد ءَ نہ سرکار ھست ءُ نیکہ آمیدگس، مارا کس مان نیار ایت، مئے زھگ ءُ جنین دگانی سر ءَ کپتگ اَنت۔
