سند: وائس پار مسنگ پرسن آپ سند ءِ سروک سورٹ لوھار ءُ سسی لوھار ءِ پت ھدایت لوھار مرچی سھب ءَ نسیر آباد ءَ پاکستانی لشکر ءِ جوڑ کرتگیں چیریں ادارھانی کارمنداں سے تیر جتگ ءُ کشتگ۔
ھدایت لوھار ءِ کوش ءِ گپ سسی لوھار ءَ راست کرتگ ءُ گوشتگ کہ منی پت پاکستانی چیریں ادارھاں نشانگ کرتگ ءُ شھید کرتگ، سند ءَ ھوار گوں سرجمیں جھان ءَ توار چست کنگ ءِ لوٹ ءَ کن ایں۔
یات بہ بہ اِت کہ ھدایت لوھار 17 اپریل 2017 ءَ داں جولائی 2019 ءَ پاکستانی لشکر ءِ چیریں آزار جاھاں بندیگ بوتگ۔ پہ آئی آجوئی ءَ آئی جنک سورٹ لوھار ءُ سسی لوھار ءَ داں دو سالاں جھد کرتگ۔ ھدایت لوھار یک استادے ءُ 1980 ءِ دھک ءَ جئے سند ءِ یک پرکاریں سیاسی کارکنے بوتگ۔
اے وھد ءَ وائس پار مسنگ پرسن آپ سند ءِ سروک سسی لوھار ءِ سروکی ءَ نسیر آباد، لاڑکانہ ءِ شھدگ ءَ ھدایت اللہ لوھار ءِ لاش ایر کنگ ءُ دگ بند کنگ بوتگ ءُ زھرشانی برجاہ اِنت۔
دومی نیمگ ءَ سرجمیں سند ءَ سند ءِ سیاسی، چاگردی، مردمی ھک ءُ راجدوستیں ٹولیانی نیمگ ءَ اے ناھکیں کوش ایر جنگ بوگ ءَ اَنت۔
