بلوچ آجوئی لوٹوکیں سروک اکتر ندیم ءَ ماں چاگردی رسانکدر ایکس ءَ پاکستان ءِ گچینکاری ءِ بارو ءَ نبشتگ کہ گچینکاری ءَ ھوار بوگ پاکستان ریاست ءِ ناشرکاریانی بکشگ زانگ بیت۔ بلوچ راج ءِ سر ءَ ھما وڑ کہ زوراکی کنگ بوگ ءَ اِنت ایشی پھریزگ ءِ راہ آجوئی اِنت وتگڑیں گچینکاری نہ اِنت۔
آئی گوشتگ کہ مردم گچینکاری ءَ بھر مہ زور اَنت دُژمن ءُ آئی کمکاراں تچکی ءَ بہ گوش اَنت کہ ما چہ شمئے پرشت ءُ پروش ءُ مکاریاں دلسیاہ ایں۔ آشوب ھم مستریں گیش ءُ گیوار اِنت۔
