بلوچ آجوئی لشکر ( بی ایل اے ) ءِ جارکش آزاد ءَ ماں رسانکدر ءَ وتی شنگ کرتگیں درشانے ءَ گوشتگ کہ مئے سرمچاراں ھاران ءَ سے جتائیں نشانگانی سر ءَ بمب اُرش کرتگ۔
آئی ءَ گوشتگ کہ یک شمبے ءِ شپ ءِ ھشت ءَ ھاران بازار ءَ زورگریں ریاست ءِ کومی اسمبلی NA 260 ءِ امیدوار چنگیز ساسولی ءِ گچینکاری ءِ کارگس سرمچاراں گوں بمب ءَ نشانگ کرتگ۔ اے کارگس ءَ پہ زورگریں ریاست ءَ انوگیں گچینکاری ءَ مراگش برجم دارگ بوتگ۔
جارکش ءَ گوشتگ کہ ھمے وھد ءَ چنگیز ساسولی ءِ کارگس ءِ نزیک ءَ بی ایل اے ءِ سرمچاراں پرپٹے ءَ تراکناکیں شورہ بستگ ءُ دگہ اُرشے ءَ ھاران ءِ پولیس سپرنٹینڈنٹ ازیز جھکرانی نشانگ کرتگ۔ ازیز جھکرانی ءَ یک دراجکشیں وھدے بیت کہ پہ بلوچ راج ءُ زرمبشت ءَ دُژمنیں شوندات ٹھینگ ءَ اِنت۔ ھاران ءَ ھوار بلوچستان ءِ کجام ھند ءَ اگاں چونیں پولیس سروگانے زورگریں لشکر ءُ چیریں ادارھانی پرمان ءِ رد ءَ راجی زرمبشت ءِ بگیری ءَ کار بہ کنت آئی ءِ بگیری ءَ گامگیج زور ایں۔
آئی ءَ گوشتگ کہ ھمے ھپتگ ءَ دو جنوری ءَ مئے سرمچاراں ھاران شھر ءَ سادک سنجرانی ءِ برات ءُ باپ پارٹی ءِ امیدوار اجار سنجرانی ءِ گچینکاری کارگس ءِ سر ءَ بمب اُرش کرتگ۔
جارکش ءَ گوشتگ کہ اے سے ئیں اُرشانی زمہ واری ءَ مئے گل بی ایل اے منّ ایت۔
بی ایل اے ءِ جارکش آزاد ءَ گوشتگ کہ یکبرے پد ءَ ھاران ءَ ھوار بلوچستان ءِ آدگہ ھندانی مردمانی گون ءَ لوٹ کن ایں کہ زورگریں ریاست ءِ گچینکاری ءَ بھر مہ زور اَنت۔
