بلوچ وومن پورم ءِ جارکش ءَ وتی درشانے ءَ چہ بلوچستان ءِ جتائیں ھند ءُ دمگاں زالبولانی زوریں بیگواھی ءِ سر ءَ بژن درشان کرتگ ءُ گوشتگ کہ چہ ایشی ءَ بلوچ راج ترس ءُ جنجالانی دیمپان اِنت۔
آئی ءَگوشتگ کہ انوں کیچ ءِ ھند تجابان ءَ پاکستانی پوج ءَ بیڑ برتگ ءُ ھاجی بدل ءِ لوگبانک زبیدہ ءُ آئی نشار دولت ءِ لوگبانک زرناز چہ گس ءَ آوار جتگ ءُ برتگ اَنت۔ چہ ایشیءَ پد آیانی ھچ وڑیں ھال نیست، کھول سکا جنجال اِنت۔
جارکش ءَ گوشتگ کہ چہ اے ویل ءَ پیش ھاجی بدل ءِ بچک دولت 18 اپریل 2026 ءَ ریاستی پلہ مرزیں کشندہ ٹولی ءِ دست ءَ کشگ بوتگ۔ چہ آئی کوش ءَ پد آئی مات ءُ لوگبانک ءِ زوریں بیگواھی ءَ کھول ءِ رنج گیش کرتگ اَنت، اے سکا ٹوھیں انسانی جیڑھے۔
آئیءَ گوشتگ کہ بلوچ وومن پورم تچک ءَ گوش ایت کہ زوریں بیگواھی ءَ ھچ وڑ ءَ نہ من این ءُ انسانی ھکانی ٹوھیں بگیری یے۔ درسیں زالبولانی گون ءَ شرپ ءَ پہ زوتیں یل کنگ ءَ دلجمی دیگ بہ بیت۔ ما گوں درسیں ادارھاں لوٹ کن ایں کہ آ زوت گامگیج بزور اَنت دانکہ اے ویل گر ءُ دار کنگ بہ بنت ءُ سانمندیں کھولانی جنجال کم بہ بنت۔
بنشون: درشان اکس: مونوگرام
