برتانیہ ءِ شھر لندن ءَ جئے سند پریڈم موومنٹ ءِ نیمگ ءَ سند ءِ راجی رھشون جی ایم سید ءِ بیرانی ءِ سی ءُ یکمی سالروچ ءِ درگت ءَ مراگشے برجم دارگ بوتگ۔
اے مراگش ءَ سندی، بلوچ، پشتون ءُ کشمیریاں بازیں کچے ءَ بھرزرتگ۔ دیوان چہ سندھودیش راجی سوت ءَ بندات کنگ بوتگ۔ دیوان ءَ اتکگیں مھماناں اجرک دیگ بوتگ۔
آیاں تران کرتگ ءُ گوشتگ کہ جی ایم سید ءَ 31 مارچ 1973 ءَ سندھودیش آجوئی ءِ لیکہ پیش کرتگ ءُ وتی سرجمیں زند ءَ پہ ھمے مول ءَ جھد کرتگ۔
آیاں گوشتگ کہ جی ایم سید ءَ مدام پہ سندی، بلوچ، پشتون، سرائیکی ءُ گلگت بلتستان ءِ مھلوک ءِ ھک ءَ توار چست کرتگ۔ آ اتھاد، ایمنی ءُ دیمروئی ءِ منوگریں مردمے بوتگ۔
مراگش ءَ تران کنوکیں مردماں درسیں زور بیگواھیں مردمانی آجوئی ءُ سیاسی بندیگانی یل کنگ ءِ لوٹ کرتگ۔
مراگش ءِ گڈسر ءَ کرار داد پیش کنگ بوتگ، اود ءَ سند، بلوچستان، پشتونستان، سرائیکستان، کمشیر ءُ گلگت بلتستان ءِ آجوئی ءِ لوٹ ھوار بوتگ اَنت۔
بنشون: درشان اکس: اھوالکار
