ماسکو: سَے ھپتگ اِنت کہ روس ءُ یوکرین ءِ جنگ برجاہ اِنت،روس ءَ اولی رند اِنت کہ یوکرین ءِ یک جاھے گوں نوک ءُ تُرسناکتریں سُپر سونک میزائل ءِ سر ءَ نشانگ کُرتگ ءُ تباہ کُرتگ۔ روس ءِ دیمپانی وزیر ءِ جارکش ءَ ماں رسانکدر ءَ گْوشتگ کہ گوں سپر سونک میزائلاں یوکرین ءِ زمین ءِ چیر ءَ سلاھانی ڈوارے نشانگ کُرتگ ءُ بازیں کچے ءَ یوکرین ءِ سلاہ ءُ کروز میزائل ءُ جنگی ساز ءُ سامان تباہ کُرتگ اَنت۔ آئی گْوشتگ کہ ایشی ءَ پیش یوکرین ءِ تیاب دپی شھر اوڈیسا ءَ ھم سلاھانی ڈوارے گوں اینٹی شپ میزائل سسٹم ءَ تباہ کُرتگ،اے بابت ءَ یوکرین ءَ انگت ھچ نہ گْوشتگ۔ دومی نیمگ ءَ یوکرین ءِ مھتر ءَ گپ ءُ تران کنگ ءِ بابت ءَ زور داتگ ءُ گْوشتگ کہ اگاں روس ءَ اُرش برجاہ داشت اَنت گڑا ایشی ءِ آسر پہ روس ءِ آؤکیں پدریچ ءَ تباھی یے بیت۔
بنشون: جھانی رسانکدر/اکس: دامگ
