بلوچ نیشنل موومنٹ ءِ انسانی ھکانی ادارہ پانک ءَ کراچی ءِ ھند شراپی ءَ ھاجی شاہ الی گوٹ ءَ زالبولے ءَ ھوار نُھ مردم ءِ زوریں بیگواھی ایر جتگ ءُ گوشتگ کہ اے انسانی ھکانی تچکیں بگیری اِنت۔
آئی ءَ گوشتگ کہ 8 اپریل 2026 ءِ شپ ءَ سی ٹی ڈی ءَ گساں بیڑ برتگ ءُ زالبولے ءَ ھوار نُھ مردم آوار جتگ ءُ بیگواہ کرتگ۔
پانک ءَ رد ءَ زور بیگواھیں مردمانی تہ ءَ سلمان ء شریپ ءِ امر ھژدہ سال اِنت ءُ نودربرے۔ شھزاد ء جمیل ءِ امر شانزدہ سال اِنت ءُ نودربرے۔ شکیلہ ء نسیر اھمد ءِ امر بیست ءُ چار سال اِنت کہ آ کرآن ءِ آلمے۔
آئی ءَ گوشتگ کہ ادنان ء پیز ءِ امر بیست ءُ پنچ سال اِنت ءُ کوسٹ گارڈ ءِ کارمندے، بلال ء ھیر مھمد ءِ امر بیست ءُ دو سال اِنت ءُ پولیس کارمندے، سابر ء پیز ءِ امر بیست ءُ دو سال اِنت، رزوان ء پیز ءِ امر سی سال اِنت، امران ء پیز ءِ امر چل سال اِنت، نسیر اھمد ء ھیر مھمد ءِ امر سی ءُ پنچ سال اِنت کہ مزدور اَنت۔
پانک ءَ گوشتگ کہ اے کاروائی برجاھیں ریاستی زوراکیانی درچ اِنت۔
بنشون: درشان اکس: پانک