چہ کراچی ءَ پاکستانی پوج ءِ دست ءَ زور بیگواھیں دانیال ناسر ءِ کھول ءَ پہ آئی آجوئی ءَ توار چست کنگ ءِ لوٹ کرتگ۔
کھول ءِ گوشگ اِنت کہ دانیال ناسر چہ نیشنل یونیورسٹی آپ ماڈرن لینگویجز ءَ پارگ بوتگیں یک ایماندار ءُ سادگیں تبیں نودربرے، آئی ءَ گوں ھچ وڑیں چست ءُ ایراں کار نہ بوتگ بس وانوکیں ورنایے بوتگ۔
آئیءَ گوشتگ کہ دانیال ناسر 16 مارچ 2026 ءَ چہ کراچی ءَ نادراھجاہ ءَ آوار جنگ بوتگ۔آ نادرائی ءَ ابید آ انگت ءَ چیریں زندانے ءَ بندیگ اِنت اے انسانی ھکانی لگتمالی اِنت۔ اگاں آئی سرءَ چونیں ھم بھتامے ھست گڑا آمیدگس ءَ پیش کنگ بہ بیت۔
کھول ءَ چہ سرکاری ادارھاں لوٹ کرتگ کہ دانیال ناسرءَ ھوار درسیں بیگواھیں مردم آجو کنگ بہ بنت یا پہ آیانی آجوئیءَ دلجمی دیگ بہ بیت۔
آئیءَ گوں میان استمانی انسانی ھکانی ادارھاں لوٹ کرتگ کہ آ اے جیڑہ ءِ بابت ءَ زوت دلگوشءَ گور بہ کن اَنت ءُ گوں سانمندیں کھولاں بہ اوشت اَنت۔
بنشون: درشان اکس: کھول
