شال ءَ پہ زور بیگواھیں مردمانی آجوئی ءَ وائس پار بلوچ مسنگ پرسنز ءِ زھرشانی گدانءَ شال پریس کلب ءِ دیم ءَ 6130 روچ سرجم بوتگ۔
گلءَ وتی درشانءَ گوشتگ کہ8 اپریل ءِ شپ ءَ چہ کراچی ءِ ھند شراپی گوٹءَ بلوچ زالبولے ءَ ھوار نھ مردم زور بیگواہ کنگ بوتگ۔
آئیءَ گوشتگ کہ بیگواھیں مردمانی تہءَ نسیر ءِ لوگبانک شکیلہ، امران ء پیز، ادنان ء پیز، رزوان ء پیز، سابر ء پیز، نسیر اھمد ء ھیرمھمد، وسیم ء ھیرمھمد، سلمان ء شریپ ءُ شھزاد ءِ جامل ھوار اِنت۔
وی بی ایم پی ءَ آیانی زوریں بیگواھیءِ سر ءَ بژن درشان کرتگ ءُ چہ سند سرکار ءَ لوٹ کرتگ کہ پہ آیانی آجوئی ءَ دلجمی بہ دنت، آگاں آیانی سر ءَ چونیں ھم بھتام ھست گڑا آمیدگس ءَ پیش کنگ بہ بنت۔
بنشون: درشان اکس: وی بی ایم پی
