کیچ ءِ مزنیں شھر تربت ءَ تربت یونیورسٹی ءِ نودربراں یونیورسٹی ءِ جیڑھانی سر ءَ زھرشانی کرتگ۔
نودربراں یونیورسٹی ءِ تہ ءَ روانکے کش اتگ کہ روانک ءَ بچک ءُ جنکیں نودربراں بازیں کچے ءَ بھر زرتگ کہ آیان ءَ پلے کارڈ دستاں بوتگ کہ آیانی سر ءَ جتائیں اوگام نبشتہ بوتگ۔
نودربراں روانک ءَ پد یونیورسٹی ءِ دروازگ بند کرتگ ءُ زھرشانی ءَ نشتگ اَنت کہ رجسٹرار ءَ نودربر بیھار داتگ ءُ ترسینتگ اَنت ءُ پہ زور یونیورسٹی ءِ دروازگ پچ کرتگ۔
زھرشانی کنوکیں نودربرانی گوشگ اِنت کہ یونیورسٹی ءِ جیڑہ سک باز اَنت اے بابت ءَ ما یونیورسٹی ءِ انتزامیہ ھم سرپد کرتگ بلے آیاں پہ جیڑھانی گیش ءُ گیوار کنگ ءَ ھچ وڑیں گامگیج نہ زرتگ۔
نودربراں لوٹ کرتگ ءُ گوشتگ کہ پہ مئے جیڑھانی گیش ءُ گیوار کنگ ءَ زوت گامگیج زورگ بہ بیت، دانکہ مئے لوٹ منگ نہ بوتگ اَنت ما وتی زھرشانی ءَ برجاہ دار ایں۔
بنشون: اھوالکار اکس: اھوالکار
