دشت ءُ کراچی ءَ پاکستانی پوج ءَ دو مردم آوار جنگ ءَ پد بیگواہ کرتگ۔
بنشون ءِ رد ءَ زور بیگواھیں ابداللہ آدل دشتی دشت ءِ میتگ کھڈان ءِ جاہ منند اِنتءُ دکاندارے۔
کھول ءِ گوشگ اِنت کہ ابداللہ آدل مرچی 5 اپریل 2026 ءَ آوار جنگ ءُ بیگواہ کنگ بوتگ۔
دومی نیمگ ءَ کراچی ءِ ھند پکیر کالونی ءِ امر بلوچ مھلہ ءَ رینجر ءُ چیریں ادارھانی کارمنداں دو اپریل 2026 ءِ یازدہ ءَ بیڑ برتگ ءُ میر اکبال ء ھیدر بلوچ آوار جتگ ءُ بیگواہ کرتگ۔
آئی کھول ءِ گوشگ اِنت کہ اکبال ءِ آوارجنی ءِ میان ءَ پوج ءَ گوں زھگ ءُ زالبولاں زوراکی کرتگ ءُ درسیں مردمانی موبائل پل اِتگ اَنت۔
کھول ءَ لوٹ کرتگ کہ میر اکبال زوت آجو کنگ بہ بیت۔ جھانی انسانی ھکانی گل اے جیڑہ ءِ سر ءَ دلگوش گور بہ کن اَنت۔
بنشون: رسانکدر اکس: رسانکدر
