بلوچ وومن پورم ءِ بنجاھی سروک ڈاکٹر شلی بلوچ ءَ اکوام متھدہ ءِ انسانی ھکانی کونسل ءِ دیوان ءَ تران کرتگ ءُ بلوچستان ءَ انسانی ھکانی لگتمالیانی سر ءَ گپ جتگ۔
آئی گوشگ اِنت کہ بلوچستان ءَ زوریں بیگواھی ءُ درکانودی کوش تیز بوگ ءَ اَنت ایشی ءِ زمہ وار جست گرگ بوگ ءَ نہ اَنت۔ ما یک زمہ واریں گلے ءِ رد ءَ اے درکانودی کارانی سر ءَ جست کرتگ ءُ ایشانی زمہ وارانی جست گرگ ءِ لوٹ کرتگ، بلے انگت ھچ پائدگ نہ رستگ۔
ڈاکٹر شلی بلوچ ءَ گوشتگ کہ ما یکبرے پد ءَ گوں سرکار ءُ میان استمانی ادارہ ءُ ھاس گوں اکوام متھدہ ءَ لوٹ کن ایں کہ آ بلوچانی جیڑہ ءَ گوں سنگینی ءَ بزور اَنت ءُ آیاں انسانیت ءِ برابری ءِ بنیاد ءَ بچار اَنت۔
آئی ءَ گوشتگ کہ ما گوں رسانکدری ادارہ ءُ اھوالکاراں لوٹ کن ایں کہ آزمینی راستیاں پیش بدار اَنت ءُ گوں ھندی مردماں گپ بہ کن اَنت ءُ رپورٹ بہ کن اَنت۔ اے مئے درسانی زمہ واری اِنت کہ ما وتی کارانی تہ ءَ جوانیں کرد پیلو بہ کن ایں۔
بنشون: درشان اکس: دامگ
