بیگواھیں بلوچانی توار ( وی بی ایم پی ) ءِ کارگشاد سمی دین ءَ ماں چاگردی رسانکدر ایکس ءَ زور بیگواھیں نودربر بھادر چاکر ءِ آجوئی ءِ پژدر ءَ نبشتگ کہ تجابان ءَ پاکستانی لشکر ءِ دست ءَ زور بیگواہ کنگ بوتگیں نودربر بھادر چاکر چہ کھول ءِ یکشلیں گھگیری ءَ پد آجو بوتگ۔ پمیشکا زوریں بیگواھی ءِ بگیری ءَ توار چست بہ کن اِت کسے اے اوست ءَ مہ بیت کہ من گس ءَ ننداں منی آزیز آجو کنگ بیت۔
آئی ءَ گوشتگ کہ بھادر چاکر ءِ زوریں بیگواھی ءُ آجوئی ءَ اے گپ پدر کرت کہ لشکر بے میار ءَ مردماں بیگواہ کنت۔ آیاں داں سالاں بیگواہ کنت کہ بلوچستان ءِ کنڈ کنڈ ءَ ترس برجاہ بہ بیت مردم دارگ بہ بنت۔
سمی دین ءَ گوشتگ کہ بھادر چاکر ءِ کھول ءِ گھگیری ءَ بھادر چاکر ءَ چہ زندان ءَ نوکیں زندے بکشات۔ پمیشکا گھگیری پدریچ ءِ مانزمان اِنت۔
