مند: یک شمبے ءِ روچ ءَ بلوچ یکجھتی کمیٹی ءِ نیمگ ءَ بلوچ چکچینی ءِ بگیری ءَ سورو ءَ زھرشانی روانکے کشگ بوتگ۔ روانک ءَ نودربر، جنین ءُ زھگاں ھوار جتائیں بھرگاں سیادی داروکیں مردماں بھر زرتگ۔
زھرشانی ءَ ھواریں مردماں زوریں بیگواھی، دروگیں میڑاں زور بیگواھیں مردمانی ناھکیں کوش، لشکر ءِ زوراکیانی بگیری ءُ بلوچ یکجھتی کمیٹی ءِ روانک ءِ لوٹانی پلہ مرزی ءَ اوگام جتگ۔
آیاں تران کرتگ ءُ گوشتگ کہ درسیں زور بیگواھیں مردم یل کنگ بہ بنت اگاں کسے ءِ سر ءَ چونیں بھتامےھست گڑا آمیدگس ءَ پیش کنگ بہ بیت۔ دروگیں میڑاں زور بیگواھیں مردمانی کوش بند کنگ بہ بیت۔
