کراچی ءَ چہ ترندیں ھور ءُ ھیروپاں کم چہ کم 21 مردم بیران بوتگ۔
مھکمہ موسمیات ءِ رد ءَ کراچی ءِ ھند بلدیہ ءِ سیکٹر یازدہ ءَ ترندیں ھورانی گوارگ ءَ پی ٹی سی ایل ءِ دوازدہ پُٹ برزیں دیوال لمب اِتگ ءُ سیزدہ مردم چیرتر اِتگ ءُ بیران بوتگ اَنت۔
آئی گوشگ اِنت کہ ترندیں ھور ءِ سوب ءَ مردم ھمے دیوال ءِ بُن ءَ اوشتوک بوتگ اَنت کہ دیوال مردمانی سر ءَ کپتگ۔
پولیس سرجن ڈاکٹر سمیہ سید ءَ گوشتگ کہ بلدیہ ءَ ھوار کل پازدہ لاش نادراھجاہ ءَ سر کنگ بوتگ۔ چہ آیاں سیزدہ لاش ھژدری چار ءُ ٹپاس کنگ بوتگ ءُ دو لاش آیانی کھولاں انچو برتگ اَنت۔
ریسکیو 1122 ءِ رد ءَ ھور ءِ وھد ءَ جتائیں ویلاں کم چہ کم 21 مردم بیران بوتگ۔
بنشون: رسانکدر اکس: رسانکدر
