پنجگور: ھشت ماہ پیش چہ پروم ءَ پاکستانی پوج ءِ دست ءَ زور بیگواھیں شھزاد بلوچ ءِ کھول ءَ آئی آجوئی ءِ لوٹ کرتگ۔
کھول ءِ گوشگ اِنت کہ شھزاد بلوچ ء نزیر اھمد نئیم آباد پروم ءِ جاہ منند اِنت کہ پاکستانی پوج ءَ 1 جون 2025 ءَ چہ گس ءَ آوار جتگ ءُ بیگواہ کرتگ۔ نُھ ماہءِ گوزگ ءَ پد آئی ھچ وڑیں ھال نیست۔ چہ آئی زوریں بیگواھی ءَ مئے سرجمیں کھول رنجانی دیمپان اِنت۔
کھول ءَ گوں سرکار ءَ لوٹ کرتگ کہ پہ شھزاد بلوچ ءِ آجوئی ءَ وتی کرد ءَ پیلو بہ کن اِت ءُ کھول ءَ چہ اے رنجاں بہ رکین اِت۔
آئی ءَ گوشتگ کہ انسانی ھکانی ادارہ پہ شھزاد بلوچ ءِ آجوئی ءَ توار چست بہ کن اَنت۔
بنشون: درشان اکس: رسانکدر
