پاکستان ءَ دوشی یکبرے پد ءَ اوگانستان ءِ بنجاھی شھر کابل ءَ ھوار کندھار ، پکتیکا ءُ آدگہ ھنداں بمبگواری کرتگ۔
ھالانی رد ءَ بالی ارشانی آسر ءَ شھری گسانی نشانگ کنگ ءِ ھواری ءَ کندھار ءَ درسرکاری بالی کمپنی ءِ تیل جاہ نشانگ کرتگ۔ اے کمپنی اکوام متھدہ ءِ بالی گراباں تیل ءُ سامان دنت۔
اوگانستانءِ رسانکدر ءِ رد ءَ پاکستان ءِ کابل ءِ پل چرکی ءَ لس مردمانی گسانی سر ءَ بمبگواری ءَ زھگءُ زالبولاں ھوار سے شھری بیرانءُ پانزدہ ٹپی بوتگ۔
دومی نیمگءَ دوشی اوگانستانءَ جوابی کاروائی ءَ کوھاٹ ءَ پوجی شوربندی یے ءِ سر ءَ ڈرون ارش کرتگ۔
بنشون: جھانی رسانکدر اکس: رسانکدر
