بلوچ وومن پورم ءِ سروک ڈاکٹر شلی بلوچ ءَ وتی درشانے ءَ گوشتگ کہ بلوچستان ءِ دمگ پنجگور ءَ یکشل ءَ دردیگیں ھال دیم ءَ پیداک اَنت، اود ءَ گوستگیں دو ماھانی میان ءَ 22 ءَ گیش ورنایانی لاش چگل دیگ بوتگ اَنت۔ ھالانی رد ءَ چہ آیاں بازیں ورنا چہ پیسر ءَ زور بیگواھیں بوتگ اَنت ءُ رند ءَ آیانی لاش دزکپتگ اَنت۔
آئی ءَ گوشتگ کہ گوستگیں چنچو ماہ اِنت سرجمیں بلوچستان ءَ کھول زوریں بیگواھی، درکانودی کوش ءُ پہ انساپ ءَ توار چست کنگ ءَ اَنت۔ بازیں ماس، پس، گھار ءُ براس پہ وتی آزیزانی آجوئی ءَ جھد ءَ اَنت کہ آ درکانودی آوار جنگ بوتگ اَنت۔
ڈاکٹر شلی بلوچ ءَ گوشتگ کہ میان استمانی کانود ءِ رد ءَ چونیں ھم مردمے درکانودی بندیگ کنگ نہ بیت، ءُ ھمک مردم آمیدگس ءَ پیش کنگ بہ بیت ءُ آئی ءَ وتی سپاھی پیش کنگ ءِ موہ دیگ بہ بیت۔ زوریں بیگواھی ءُ درکانودی کوش انسانی ھکانی بگیری اِنت۔
آئی ءَ گوشتگ کہ بلوچستان ءِ جاورانی سر ءَ زوت دلگوش دئیگ ءُ پٹ ءُ پول کنگ لوٹ ایت۔ دانکہ راستی دیم ءَ بیت ءُ زمہ وار جست کنگ بہ بنت۔
بنشون: درشان اکس: دامگ
