بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ وتی درشان ءَ گوشتگ کہ بی ایل ایپ ءِ سرمچاراں 3 پروری 2026 ھوشاپ ءَ چار جتائیں جاھاں زورگریں پوج ءِ بگیری ءَ ترندیں کاروائی بندات کرتگ اَنت۔ اے کاروائیانی میان ءَ سرمچارانی جتائیں ٹولیاں چار جتائیں جاھاں یکیں وھد ءَ دژمنیں پوج نشانگ کرتگ۔ اے کاروائی ءِ بندات ءَ سرمچارانی یک ٹولی ءَ ھوشاپ بازار ءَ پولیس تانہ سرجم ءَ انگر کرتگ ءُ اود ءَ درسیں کارمند دزگیر کرتگ اَنت۔ سرمچارانی دگہ یک ٹولی یے اود ءَ سرکاری سلاہ، گولا ءُ آدگہ جنگی سامانی زورگ ءَ بوتگ اَنت کہ ھمے وھد ءَ پوج ءِ چار گاڑیانی کاروانے نزیک ءَ سر بوتگ ایشی آسر ءَ پوج ءُ سرمچارانی میان ءَ ترندیں میڑے بندات بوتگ۔
آئی ءَ گوشتگ کہ اے جنگ ءِ میان ءَ سرمچاراں دژمن ءِ دو گاڑی نشانگ کرتگ ءُ تباہ کرتگ، ایشانی سواریں بازیں کارمند مرتگ اَنت۔ دومی جاہ ءَ سنگر گپتگیں سرمچارانی دومی ٹولی ءَ دژمن ءِ دو بکتر بند گاڑیانی سر ءَ گوں مزنیں سلاھاں ارش کرتگ۔ اے کاروائی ءَ باز پوجی کارمند مرتگ ءُ ٹپی بوتگ ءُ دو گاڑی تباہ بوتگ۔ زمینی جنگ ءَ وتی پوجیانی پروش ءُ پدکنزی دیستگ گڑا ھیلی کاپٹر ءُ نوکیں ڈرون ٹیکنالوجی ءِ کمک زرتگ دانکہ سرمچارانی دیم ءَ بدار ایت۔
آئی ءَ گوشتگ کہ ھمے دراجکشیں میڑ ءَ مئے ھپت نہ ترسیں سرمچاراں داں گڈی تیر ءُ گڈی دمان ءَ گوں دژمن ءَ جوانمردی ءَ دیم پہ دیمی کرتگ ءُ پہ ماتیں سرڈگار ءِ دیمپانی ءَ شھید بوتگ اَنت۔
جارکش ءَ گوشتگ کہ شھید شنید بلوچ پنام شوھاز ء مھمد رپیک سھاکی کیلکور ءِ جاہ منند اِنت۔ شھید شنید بلوچ 2016 ءَ بی ایل ایپ ءَ ھوار بوتگ ءُ سلاہ بندیں جھد بندات کرتگ۔ چہ ایشی ءَ پیش 2012 ءَ نودربر سیاست ءَ ھوار بوتگ، آ سکا یک نہ ترس، جپاکش ءُ سیاسی زانشت ءَ چکاریں سرمچارے بوتگ۔ آئی جتائیں پڑا چہ وتی جنگی بودناکیاں دژمن تاوان داتگ ءُ ھر پیمیں گرانیں کاروائی ءَ بنداتی لڑا بوتگ۔ آئی کھول دیر اِنت کہ ریاستی زوراکی ءُ در پہ دری جنجالاں اوپار کنگ ءَ اِنت۔
آئی ءَ گوشتگ کہ شھید زباد بلوچ پنام دیدگ ء گلام مھمد سید آباد کیلکور، پنجگور ءِ جاہ منند اِنت۔ شھید زباد 2019 ءَ بی ایل ایپ ءِ راھبند ءَ وتی سلاہ بندیں جھد بندات کرتگ۔ چہ ایشی ءَ پیش آ 2015 ءَ نودربر گل ءَ سرگرم بوتگ۔ آ یک نہ ترسیں سرمچارے اَت، آئی ناگیگیں جاوران ءُ گوں کھول ءَ بیوکیں زوراکیاں ابید گوں زرمبشت ءَ وتی باسمائی کرد برجاہ داشتگ۔
جارکش ءَ گوشتگ کہ شھید اتا بلوچ پنام ابید ء شیھک سنگ آباد تجابان ءِ جاہ منند اِنت۔ شھید اتا بلوچ جولائی 2022 ءَ بی ایل ایپ ءَ سلاہ بندیں جھد ءَ ھوار بوتگ۔ آ سکا نہ ترس ءُ وش تبیں سنگتے اَت آئی بازیں پوجی کاروائیاں وت ءَ منارینتگ۔
آئی ءَ گوشتگ کہ شھید گپار بلوچ پنام نوروز ء ازیز کولواہ جت ءِ جاہ منند اِنت۔ شھید گپار بلوچ 2023 ءَ بی ایل ایپ ءِ راہ بند ءَ وتی سلاہ بندیں جھد بندات کرتگ ءُ سکا زوت یک نہ ترس ءُ جپاکشیں سپاھی یے ءِ ھساب ءَ وتی پجار جوڑ کرتگ۔ ھوشاب ءِ جنگ ءَ آئی راکٹ جنگ ءِ زمہ واری پیلو کرتگ ءُ جتائیں سنگراں دژمن تاوان داتگ۔ آئی جنگی بودناکی ءُ گوں سرڈگار ءَ اشک ءِ گواھی ءَ شھیدی دیگ ءَ اِنت۔
جارکش ءَ گوشتگ کہ شھید ابدالسمد بلوچ پنام مھیم جان ء سردو گندچاھی ءِ جاہ منند اِنت۔ شھید ابدالسمد جنوری 2023 ءَ بی ایل ایپ ءِ راھبند ءَ وتی سلاہ بندیں جھد بندات کرتگ ءُ سکا جپاکشیں سرمچارے بوتگ۔ دژمن ءِ بگیری ءَ وتی گڈی جنگ ءَ ھوار آئی جتائیں پڑا وتی زمہ واری سکا گوں ایمانداری ءُ نہ ترسی ءَ پیلو کرتگ اَنت۔
آئی ءَ گوشتگ کہ شھید زھیر بلوچ پنام استال ء میار کولواہ ءِ جاہ منند اِنت۔ شھید زھیر پروری 2025 ءَ بی ایل ایپ ءِ راھبند ءَ وتی سلاہ بندیں جھد بندات کرتگ ءُ وت ءَ پہ سرڈگار ءِ آجوئی ءُ دیمپانی ءَ ببا داتگ۔ آ یک سکا سرگرم ءُ جپاکشیں ورنایے اَت۔ آئی کسانیں وھدے ءَ جتائیں پڑاں وتی پوجی بودناکی پیش داشتگ۔
جارکش ءَ گوشتگ کہ شھید ندیم پنام ساھل ء امیربکش کولواہ، بلور ءِ جاہ منند اِنت۔ شھید ندیم بلوچ مارچ 2025 ءَ بی ایل ایپ ءِ راھبند ءَ زورگریں پوج ءِ بگیری ءَ وتی سلاہ بندیں جھد بندات کرتگ۔ آئی ءَ کسانیں وھدے ءَ وتی بے مٹیں جپاکشیانی سوب ءَ گل ءِ لڑ ءَ پہ وت جوانیں جاھے گپتگ۔ ھوشاپ ءَ دژمنیں پوج ءِ بگیری ءَ بوتگیں جنگ ءَ آئی گوں نہ ترسی ءَ دیم پہ دیمی کرتگ ءُ شھید بوتگ۔
میجر گھرام بلوچ ءَ درشان ءِ گڈی ءَ شھید ستک شانی ندر کرتگ اَنت ءُ گوشتگ کہ شھیداں وتی پاکیں ھون پہ آجوئی زرمبشت ءَ رتکگ اَنت ءُ ھمے پیش داشتگ کہ پہ بلوچستان ءِ پھریزوکیں پسگ کدی ھم زور ءِ دیم ءَ سھر جھل نہ کن اَنت۔ آیانی بے مٹیں دیمونی سرمچارانی توکل ءَ گیش مھکم کنت۔ سرمچار ھمایانی رند پداں رو اَنت ءُ ھمک پڑا دژمن ءَ پروش دے اَنت۔ بی ایل ایپ ھمے کول ءَ کنت کہ شھیدانی ھون زوال نہ بنت ءُ داں بلوچستان ءِ آجوئی ءَ آیانی کاروان ءَ برجاہ دار ایں۔
بنشون: درشان اکس: زرمبش
