چہ امریکہ ءُ اسرائیل ءِ نیمگ ءَ ایرانءِ سر ءَ برجاھیں ارشانی میان ءَ زھگاں ھوار ھزار ءَ گیش مردم بیران بوتگ۔
امریکہ ءِ ھیومن رائٹس ایکٹوسٹس نیوز ایجنسی ءِ گوشگ اِنت کہ چہ 28 پروری ءَ داں انوں ایرانءَ 1097 شھری بیران بوتگ۔ آیانی تہ ءَ 181 زھگ ھم ھوار اِنت کہ آیانی امر چہ دہ سال ءَ کم اِنت۔
آئی ءَ گوشتگ کہ امریکہ ءُ اسرائیل ءِ ارشانی میان ءَ 5402 لس شھری ٹپی بوتگ، آیانی تہ ءَ سد زھگ ھم ھوار اِنت۔
انسانی ھکانی ادارہ ءِ گوشگ اِنت کہ گوستگیں بیستءُ چار ادارانی میان ءَ کم چہ کم 104 ارش کنگ بوتگ۔
اسرائیل ءِ پوج ءِ جارکش ءِ گوشگ اِنت کہ اسرائیل ءَ سرجمیں تھرانءَ درزنانی کچ ءَ پوجی اڈہ نشانگ کرتگ اَنت۔
ایرانی سرکاری رسانکدر ءُ اھوالکارانی رد ءَ تھرانءِ رو در آتک ءَ تراکانی توار اش کنگ بوتگ اَنت۔
بنشون: بی بی سی اردو اکس؛ بی بی سی اردو
