بلوچستان لبریشن پرنٹ (بی ایل ایپ) ءِ جارکش میجر گھرام بلوچ ءَ وتی درشان ءَ گوشتگ کہ سرمچاراں 26 پروری 2026 ءَ وڈ ءِ ھند وھیر ءَ گرانھادیں سنگ بروکیں گاڑیانی سر ءَ اُرش کرتگ۔ اُرش ءِ وھد ءَ گاڑیانی ٹائر تیر جتگ ءُ تراکینتگ اَنت ءُ یک گاڑی یے مانداشتگ۔ اے کاروائی ھما درچ ءِ بھرے کہ ایشی پژدر ءَ ما بلوچستان ءِ مڈیانی درکانودی لٹ ءُ پل ءِ دارگ ءِ جھد ءَ ایں۔
آئی گوشتگ کہ ما چہ ایشی ءَ پیش باز رند ءَ گرانھادیں مادن بروکیں گاڑیانی تھنا ٹائر تراکینتگ ءُ گاڑیانی واھند ءُ ڈرائیور کڈن کرتگ اَنت کہ آ بلوچستان ءَ لٹ ءُ پلاں پاکستانی پوج ءِ کمکاری ءَ دزکش بہ بنت۔ بلے بژن اِنت کہ لھتیں مدام اے کڈن ءَ سرگوز کنگ ءَ اَنت۔
جارکش ءَ گوشتگ ما تچک کنگ لوٹ ایں کہ ھر کس زورگریں پوج ءِ چیردستی ءَ لٹ پلی شوربندیاں ھوار بیت آ بلوچ راج ءِ دژمن لیکگ بیت ءُ گوں آئی ھچ وڑ ءَ ھاتر داری کنگ نہ بیت۔
آئی گوشتگ کہ بلوچستان ءِ چونیں ھم بھرے ءَ گرانھادیں مادن ءُ سنگ کشگ ءِ شوربندی بلوچ راج ءِ مالی لٹ ءُ پل اِنت۔ نوں اے میاربارانی بگیری ءَ کاروائی دراجکش ءُ ترند کنگ بیت۔ چہ ایشی ءَ پد چونیں ھم جانی ءُ مالی تاوانے ءِ زمہ وار وت بہ اَنت۔ مئے مول وتی راجی مڈیانی پھریزگ اِنت ءُ اے راہ ءِ دیم ءَ اڑاند بیوکیں دژمن ءِ ھمک شریدار نشانگ کنگ بیت۔
میجر گھرام بلوچ ءَ درشان ءِ گڈی ءَ اے کاروائی ءِ زمہ واری من اِتگ۔
بنشون: درشان. اکس: زرمبش
