بلیدہ: پاکستانی لشکر ءِ دست ءَ زور بیگواہ کنگ بوتگیں اسماھیل ءُ ھپیز ءِ کھول ءَ پہ وتی زور بیگواھیں آزیزانی آجوئی ءَ توار چست کنگ ءِ لوٹ کرتگ۔
آئی گوشگ اِنت کہ 25 جنوری دو ھزار بیست ءُ چار ءَ شپ ءِ اَدار سے ءَ بٹ بلیدہ کور ءِ پُشت ءَ پاکستانی لشکر ءُ کُشندہ ٹولی کارمنداں مئے گِس ءَ بیڑ بُرتگ ءُ ماس ءُ گھار کم شرپ کرتگ اَنت۔ گس ءِ سامان پروشتگ اَنت اسماھیل ء شاھداد ءُ ھپیز ء ابدل ھمید آوار جتگ ءُ بیگواہ کُرتگ اَنت کہ انگت بیگواہ اَنت۔
کھول ءِ گوشگ اِنت کہ لشکر ءَ بیڑ برگ ءِ میان ءَ گس ءِ درسیں مردمانی موبائل پل اِتگ اَنت مات ءُ گھار بد گوشتگ اَنت۔ گوں گس ءِ درسیں مردماں زوراکی کرتگ۔
آئی گوشتگ کہ چہ ایشی ءَ پیش مئے کھول مدام پاکستانی لشکر ءِ زوراکیانی آماچ بوتگ، ساری ءَ ھم باز ورنا آوار جنگ ءُ بازیں آزار دیگ ءَ پد یل کنگ بوتگ اَنت۔
کھول ءَ گوں بلوچ راج ءُ مردمی ھکانی ادارھاں توار چست کنگ ءِ لوٹ کرتگ ءُ گوشتگ کہ پہ اسماھیل ءُ ھیز ءِ آجوئی ءَ توار چست کنگ ءَ وتی پرزا پیلو بہ کن اِت۔
