کیچ ءِ ھند بلیدہ ءَ پجار نہ بوتگیں سلاہ بندیں مردماں گسے ءِ سر ءَ ارش کرتگ، شش مردم بیران ءُ باز ٹپی بوتگ۔
رسانکدر ءِ ھالانی رد ءَ سلاہ بندیں مردماں بلیدہ ءِ میتگ میناز ءَ گسے ءِ سر ءَ ارش کرتگ کہ ایشی آسر ءَ شش مردم مسلم ء چارشمبے، ملا یوسپ ء مھمد شریپ، گل ناز ء ابدلگپار، چنگیز ء ابدلگپار، زھرہ ء ابدلگپار ءُ ابدلگپار ءِ لوگبانک پزیلہ بیران بوتگ اَنت۔
ابدالگپار ء مھمد، سارہ ء ابدلگپار ءُ آئشہ ء ابدلگپار ٹپی بوتگ اَنت۔ ٹپی بوتگیں مردم پہ الاج ءَ تُربَت ءَ برگ بوتگ اَنت۔ چہ آیاں ابدلگپار ءِ جاور ناگیگ اَنت۔
بنشون: رسانکدر. اکس: زرمبش
