پَنجگُور ءِ ھند پل آباد ءَ پاکستانی پوج ءِ تیرگواری ءَ دو زالبول بیران ءُ سَے ٹپی بوتگ۔
اھوالکار ءِ رد ءَ پل آباد ءَ پاکستانی پوج ءَ ایران ءَ روکیں گاڑی یے ءِ سر ءَ تیرگواری کرتگ۔ تیرگواری ءِ آسر ءَ دو زالبول بیران ءُ سَے ٹپی بوتگ۔ بیران بوتگیں مردمانی لاش ءُ ٹپی بوتگیں مردم نادراھجاہ ءَ برگ بوتگ اَنت۔
ھندی بنشون ءِ گوشگ اِنت گاڑی ءَ اوگان شھری سوار بوتگ ءُ ایران ءَ روگ ءَ بوتگ اَنت۔ آدگہ مردمانی دزگیری ءِ ھم ھال اِنت۔
بنشون؛ رسانکدر اکس: زرمبش
