کراچی ءُ مکُران ءَ روکیں مساپر بس واھندانی زھرشانی ءَ پنچ روچ اِنت کہ برجاہ اِنت۔ ایشی آسر ءَ مساپر سکا جنجال اَنت۔
مساپر بس گوستگیں چار روچ اِنت کہ یوسپ گوٹ ءَ بس ٹرمینل ءَ اوشتوک بوتگ اَنت۔ نوں چہ بس واھندانی نیمگ ءَ اکبال شاہ زھی ءِ سروکی ءَ ھمے پیسلہ کنگ بوتگ کہ زھرشانی ءَ دراجکش کن این ءُ اوتل زیروپوائنٹ ءَ ھم بند کن ایں۔
اے زھرشانی چہ پاکستانی کوسٹ گارڈ ءِ زوراکیانی بگیری ءَ بوگ ءَ اِنت۔
آیانی گوشگ اِنت کہ چہ سرکار ءِ نیمگ ءَ ھما وھد دیگ بوتگ، آ وھد ءَ مساپر بس سر بوگ ءَ نہ اَنت۔ اگاں ڈرائیور گاڑیاں بہ تاچین اَنت گڑا دگ ویل ءِ ھم ترس ھست۔
آیاں گوشتگ دانکہ چہ سرکار ءِ نیمگ ءَ مئے لوٹ منگ نہ بنت، مئے زھرشانی برجاہ بیت۔
بنشون: رسانکدر. اکس: دامگ
