چہ زامرانءَ پاکستانی پوج ءِ دست ءَز ور بیگواھیں نجیب اللہ ءِ کھول ءَ پہ آئی آجوئی ءَ لوٹ کرتگ ءُ گوشتگ کہ نجیب اللہ ء مھمد ھسن زامران نوانو ءِ جھمنند اِنت ءُ ھژدہ پروری ءَ پاکستانی پوج ءَ آوار جتگ ءُ بیگواہ کرتگ۔
کھول ءِ گوشگ اِنت کہ نجیب اللہ گوں نوانو ء مسیت ءِ ملا ءَ گلی کوچگ ءَ شتگ ءُ واتر گس ءَ پیداک بوتگ اَنت کہ پاکستانی پوج ءَ دوئیں مردم آوار جتگ اَنت۔ رند ءَ ملا یل کنگ بوتگ ءُ نجیب اللہ انگت بیگواہ اِنت۔
کھول ءِ گوشگ اِنت کہ نجیب اللہ دل ءُ گٹگانی نادراھے ءُ اے درگت ءَ آئی رپورٹ ھم ھست اَنت۔ شش ماہ ءِ الاج ءَ پد نوں کمیں وشتر بوتگ۔
کھول ءَ لوٹ کرتگ ءُگوشتگ کہ اگاں نجیب اللہ زوت آجو کنگ بہ بیت یا آئی بابتءَ مارا سرپدی دیگ بہ بیت۔
