بلوچ لبریشن آرمی ( بی ایل اے ) ءِ جارکش جیئند بلوچ ءَ وتی درشانے ءَ گوشتگ کہ بی ایل اے ءِ سرمچاراں سے جتائیں ارشاں زورگریں پاکستانی پوج نشانگ کرتگ ءُ ھپت کارمند کشتگ۔ اے ارشاں زورگریں پوج ءِ کاروانءُ بنجل نشانگ کرتگ اَنت۔
آئیءَ گوشتگ کہ بی ایل اے ءِ سرمچاراں مستونگ ءِ ھند اسپلنجی مرو ءَ زورگریں پاکستانی پوج ءِ کاروان ھما وھد ءَ نشانگ کرتگ کہ آ گوں دوازدہ گاڑیانی کاروان ءَ دیم ءَ آھگ ءِ جھد ءَ بوتگ۔
جارکش ءَ گوشتگ کہ سرمچاراں گوں راکٹ ءُ آدگہ مزنیں سلاھاں زورگریں پوج ءِ کاروان نشانگ کرتگ۔ بی ایل اے ءِ اسنائپر ٹولی ءَ زورگریں پوج گیشتر جانی تاوان داتگ داتگ۔ ارش ءَ زورگریں پوج ءِ سے کارمند جاھی مرتگ ءُ باز ٹپی بوتگ۔
آئی ءَ گوشتگ کہ بی ایل اے ءِ سرمچاراں دہ پروری ءَ پنجگورءِ ھند پروم ءَ زورگریں پوجءِ باز گاڑیانی کاروان ءِ سر ءَ سنگر گپتگ ءُ ارش کرتگ۔سرمچاراں مزنیں سلاہ کارگپتگ اَنت زورگریں پوج ءِ چار کارمند مرتگ ءُ باز ٹپی بوتگ۔ زورگریں پوج ءَ اے میان ءَ کواڈ کاپٹر بال داتگ سرمچاراں جتگ ءُ دور داتگ۔
جارکش ءَ گوشتگ کہ دگہ یک ارشےءَ بی ایل اے ءِ سرمچاراں دوشی ڈیرہ مراد جمالی ءَِ زورگریں پاکستانی پوج ءِ چوکی ءِ سر ءَ دستی بمب ارش کرتگ، ایشی آسرءَ سے کارمند ٹپی بوتگ۔ اے پہ ریلوے ٹریکءِ پھازداریءَ جنگ بوتگ۔
جیئند بلوچ ءَ ارشانی زمہ واری من اتگءُ گوشتگ کہ اے ارش یکشل ءَ برجاہ بنت دانکہ پاکستانی پوج چہ بلوچ سرڈگار ءَ تچگءَ لاچار بہ بیت۔
بنشون : درشان اکس: زرمبش
