چہ کراچی ءَ پاکستانی پوج ءِ دست ءَز ور بیگواھیں زاھد بارکزھیءِ گوں دگہ دو مردماں ھوار دروگیں دزگیری پدر کنگ بوتگ۔
مرچی کراچی ءَ رینجر ءُ سی ٹی ڈی ءَ پریس کانپرنسءَ گوشتگ کہ کراچیءَ کاروائی یے ءِ میان ءَ نودربرانی پہ ناشرکاری ءَ رد دیوکیں سے مردم دزگیر کرتگ۔
آئیءَ گوشتگ کہ اے سے ئیں مردم چہ کراچی ءِ ھند کورنگی، چکرا گوٹ ءَ رینجر ءُ سی ٹی ڈی ءَ ھواریں کاروائی یے ءِ میان ءَ دزگیر کرتگ اَنت۔
آئی ءَ گوشتگ کہ چہ اے میارباراں لیپ ٹاپ، پنچ کلو تراکناکیں شورہ، ڈیٹو نیٹر ، دہ میٹر پرائما کارڈ ءُ یک کلوھے بال بیئرنگ دستیگ کرتگ۔ کہ آ وانگجاھاں نودربراں رد دیگ ءَ بوتگ اَنت۔
آئی ءَ گوشتگ کہ اے دزگیر بوتگیں مردمانی نام یاسر ارپات، ھدا بکش ءُ زاھد پنام بارکزھی اِنت۔
زاھد باکرزھی ء مھمد نسیم پاکستانی پوج ءَ 27 جنوری 2026 ءَ چہ گل مھمد لین چاکیواڑہ لیاری ءَ آوار جتگ ءُ بیگواہ کرتگ اَت۔
زاھد باکرزھیءِ زوریں بیگواھی بی این ایم ءِ انسانی ھکانی ادارہ پانک ءَ ایرجتگ اَت ءُ آئی آجوئی ءِ لوٹ کرتگ اَت۔
بنشون: رسانکدر اکس: دامگ
