یونائیٹڈ بلوچ آرمی ءِ جارکش مزار بلوچ ءَ وتی درشانے ءَ گوشتگ کہ 5 پروری ءَ سرمچاراں کچی ءِ ھند سنی ءَ کشندہ ٹولی ءِ کارمند گل مھمد جتک پنام گلو ء ساھب داد جتک تیرگواری کرتگ ءُ کشتگ ءُ سلاہ ھم برتگ اَنت۔
آئی ءَ گوشتگ کہ کشگ بوتگیں مردم ءَ گوستگیں باز سال اِنت پہ پاکستانی پوج ءَ کار ءَ بوتگ چہ ایشی ءَ پیش سرمچاراں گل مھمد جتک ءُ آئی کھول کڈن کرتگ بلے انگت ءَ مدام سرمچارانی چاریگی کنگ ءَ ھوار شھریانی ءُ ورنایانی زوریں بیگواھی ءَ ھوار بوتگ۔
جارکش ءَ گوشتگ کہ چار ءُ پنچ پروری ءِ میانی شپ ءَ ڈھاڈر ءِ ھند کمڑی پل ءَ تر ءُ گرد ءِ وھد ءَ سرمچاراں گوں پولیس ءَ ڈیک وارتگ کہ پولیس ءَ سرمچارانی سر ءَ تیرگواری کرتگ پسھی تیرگواری ءَ یک پولیس کارمندے مرتگ ءُ گاڑی ھم تباہ کرتگ۔
مزار بلوچ ءَ گڈی ءَ گوشتگ کہ مئے اے پیمیں ارش داں بلوچستان ءِ آجوئی ءَ برجاہ بنت ۔
