نوشکی : پاکستانی پوج ءَ بلوچ آجوئی لوٹوکیں رھشون ءُ بلوچ لبریشن آرمی ءِ سروک بشیر زیب بلوچ ءِ گس گوں تراکناکیں شورھاں تباہ کرتگ اَنت۔
اھوالکار ءِ رد ءَ پاکستانی پوج ءَ زی اھمد وال ءَ بشیر زیب ءِ گس ءَ ھوار دگہ دو گس تراکناکیں شورہ مان کرتگ ءُ تباہ کرتگ اَنت۔ ھمے وڑ ءَ پوج ءَ کازی آباد ءَ ھم ھاجی ابدلسمد نامیں مردمے ءِ گس تباہ کرتگ اَنت۔ ھاجی ابدلسمد 2009 ءَ بیران بوتگ ءُ آئی کھول دیر اِنت مزن ھور ءَ اِنت۔ آئی گس چہ 2011ءَ ھالیگ بوتگ اَنت۔
چوش کہ چہ آپریشن ھیروپ ءَ پد پاکستانی پوج ءَ نوشکی ءَ بند آرگ جتگ ءُ پوج بازیں کچے ءَ تر ءُ گرد کنگ ءَ اِنت۔ پوج ءَ شھر ءَ درسیں دکان بند کرتگ اَنت مردماناں گوشتگ کہ چہ گساں در مہ کپ اِت۔
بنشون: رسانکدر اکس: زرمبش
