چہ ھب چوکی ءَ پاکستانی پوج ءِ دست ءَ زوربیگواھیں کیچ ءِ ھند تمپ، دازن ءِ جاھمنندیں ورنا سھراب بلوچ ءِ کھول ءَ آئی آجوئی ءِ لوٹ کرتگ۔
آئی ءَ گوشتگ کہ 8 پروری 2026 ءَ روچ ءِ ادار دو ءَ پاکستانی پوج ءُ چیریں ادارھانی کارمنداں سھراب بلوچ ء امین یاکوب ل چہ ھب چوکی ءِ ھند بلوچ کالونی ءَ آوار جتگ ءُ بیگواہ کرتگ ۔
آئی گوشتگ کہ چہ ایشی ءَ پیش ھم 2017 ءُ 2019 ءَ دو رند ءَ پاکستانی پوج ءَ سھراب بلوچ آوار جتگ اے آئی سیمی رند انت کہ پاکستانی پوج ءُ چیریں ادارھانی کارمنداں آوار جتگ ءُ بیگواہ کرتگ۔
کھول ءَ گوں سرکار ءَ لوٹ کرتگ کہ اے کیس ءِ سر ءَ دلگوش بہ دنت ءُ سھراب بلوچ ءِ بابت ءَ مارا ھال دیگ بہ بیت کہ آ چون ءُ کج ءَ انت پہ آئی زوتیں آجوئی ءَ دلجمی دیگ بہ بیت۔
بنشون: درشان اکس: اھوالکار
