لسبیلہ: سونیمانی وندر ءَ دگ ویلے ءَ لسبیلہ پریس کلب ءِ کارگشاد ءُ کلانھیں اھوالکار ءُ روتاک انتھاب ءِ ھندی کارمستر ازیز لاسی بیران ءُ آئی زھگ ٹپی بوتگ۔
بنشون ءِ رد ءَ اے دگ ویل وندر ءَ الجلیل ھوٹل ءِ نزیک ءَ بوتگ کہ سے گاڑیاں وت ماں وت ڈیک وارتگ۔ ازیز لاسی جاھی بیران بوتگ ءُ آئی زھگ ٹپی بوتگ۔
ازیز لاسی ءِ لاش ءُ آئی ٹپی بوتگیں زھگ نادراھجاہ ءَ برگ بوتگ اَنت۔
ازیز لاسی ءِ بیرانی ءَ اھوالکار ءُ رسانکدری ادارھاں ھوار جتائیں بھرگاں سیادی داروکیں مردماں دلپدردی درشان کرتگ۔
بنشون: رسانکدر اکس: دامگ
