ھزدار ءِ ھند زیرینہ کھٹان ءَ سلاہ بندیں مردماں تیرگواری کرتگ ءُ لاپ پریں زالبولے کشتگ۔
اھوالکار ءِ رد ءَ سلاہ بندیں مردماں بیگاہ ءِ شش ءَ دانش زھری ءِ گس ءَ تیرگواری کرتگ نمرہ زھری ء سئید اھمد زھری بیران بوتگ۔
کشگ بوتگیں جنک ءِ بابت ءَ آئی کھول ءِ گوشگ اِنت کہ آ لاپ پُر بوتگ ءُ گس ءَ دگہ دو زالبول ھم ساڑی بوتگ اَنت، بلے سلاہ بندیں مردماں تھنا ھما یکیں زالبول نشانگ کرتگ ءُ تتکگ اَنت۔
کشگ بوتگیں جنک ءِ کھول ءَ گوں سرکار ءَ لوٹ کرتگ کہ مئے جنک ءِ کشندہ دزگیر کنگ ءُ سزا دیگ بہ بنت مئے جنک ناھک ءَ کشگ بوتگ مارا کسے ءِ گون ءَ دینداری نیست۔
بنشون: رسانکدر. اکس: زرمبش
