چہ ھب چوکی ءَ پاکستانی پوج ءَ مشکے ءِ جھمنندیں نودربرے آوار جتگ ءُ بیگواہ کرتگ۔
اھوالکار ءِ رد ءَ زوربیگواہ کرتگیں نودربر ءِ نام یاسر بلوچ اِنت کہ مشکے میانی کلات ءِ جھمنند اِنت ءُ گومل یونیورسٹی ءَ ھپتمی سمسٹر ءِ نودربرے۔ دو پروری ءَ چہ ھب چوکی ءَ کراچی ءَ روگ ءَ بوتگ کہ آوار جنگ ءُ بیگواہ کنگ بوتگ۔
آئی کھول ءَ یاسر ءِ آجوئی ءِ لوٹ کرتگ ءُ گوشتگ کہ چہ یاسر ءِ زوریں بیگواھی ءَ مئے کھول سسائی جنجالانی دیمپان اِنت۔ آ زوت آجو کنگ بہ بیت ءُ کھول چہ سسائی آزاراں رکّینگ بہ بیت۔
بنشون : زرمبش جھگیر اکس: زرمبش جھگیر
