ھیومن رائٹس کمیشن آپ پاکستان ءَ چاگردی کارکن زاھد بلوچ ءِ زوریں بیگواھی ءِ سر ءَ بژن درشان کرتگ ءُ گوشتگ کہ زاھد بلوچ 27 جنوری ءِ سھب ءَ چہ کراچی ءَ آئی گس ءَ آوار جنگ ءُ بیگواہ کنگ بوتگ کہ چہ ایشی ءَ پد آئی ھچ ھال نیست کہ آ چون ءُ کج ءَ اِنت۔
ایچ آر سی پی ءَ گوشتگ کہ چہ کھول ءِ نیمگ ءَ ھال سر بوتگیں ھالانی رد ءَ نکاب پوشیں سلاہ بندیں مردم پہ زور زاھد ءِ گس ءَ پترتگ اَنت ءُ زاھد بلوچ آوار جتگ ءُ گوں وت برتگ۔
ھیومن رائٹس کمیشن آپ پاکستان ءَ پہ زاھد بلوچ ءِ سلامتی ءَ ترس درشان کرتگ ءُ گوشتگ کہ اگاں یک مردمے ءِ سر ءَ چونیں بھتامے ھست آ کانود ءِ رد ءَ آمیدگس ءَ پیش کنگ بہ بنت نا کہ چو زوربیگواہ کنگ بیت۔
ایچ آر سی پی ءَ گوں سند سرکار ءَ لوٹ کرتگ کہ آ زوت زاھد ءَ دیم ءَ بیار اَنت ءُ اے جیڑہ ءِ پہ کانود ءِ رد ءَ گیش ءُ گیوار ءَ دلجمی بہ دے اَنت۔
