بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ وتی درشان ءَ گوشتگ کہ سرمچار جلیل بلوچ ء منیر اھمد تر ءُ گرد ءِ میان ءَچہ دژمن ءِ نیمگ ءَ چیر داتگیں بمب ءِ ترکگءَ ٹپی بوتگ ءُ رند ءَ آئی ٹپانی درد نہ سگ اتگ ءُشھید بوتگ۔
آئیءَ گوشتگ کہ سرمچار جلیل اھمد پنام جورک ءمنیر اھمد دِز دِر دشتءِ جاہ منند اِنت کہ 2023ءَ بی ایل ایپ ءَ ھوار بوتگ ءُ شھری نیٹ ورک ءِ بھر بوتگ۔ آ گل ءِ چیریں بھرگ ءَ کار ءَ بوتگ ۔ 3 اکتوبر 2024 ءَ آاوتاک ءَ دیم دیگ بوتگءُ آئی گوں دلکشی ءُ جپاکشیءَ وتی زمہ واری شریں وڑےءَ پیلو کرتگ اَنت۔
جارکش ءَ گوشتگ کہ بیستءُ سے جنوری ءَجلیل اھمد پہ گل ءِ کارےءَ سنگتانی ھمراھی ءَ مند ءِ کوہ ءَ تر ءُ گرد ءَبوتگ کہ چہ دژمن ءِ نیمگ ءَ چیر کرتگیں شورھانی زد ءَ اتکگ سکا ٹپی بوتگ۔ آئی ءَ پہ الاج ءَ مھکمیں جاھے ءَ دیم دیگ ءَ بوتگ ایں کہ آئی راہ ءَ ٹپانی درد نہ سگ اتگ ءُ شھید بوتگ۔
میجر گھرام بلوچ ءَ درشان ءِ گڈی ءَ شھید سرمچار جلیل پنام جورک ءَ ستک شانی ندر کرتگ ءُ گوشتگ کہ ھمے کول ءَ کن ایں کہ بلوچ شھیدانی آزاد بلوچستان ءِ کاروان ءَ ھرھال ءَ گڈی آسر ءَ سر کن ایں۔
