پاری چہ لکپاس ءَ پاکستانی پوج ءِ دست ءَ زور بیگواھیں مپتی زبیر جتک ءِ کھول ءَ آئی آجوئی ءَ توار چست کنگ ءِ لوٹ کرتگ۔
کھول ءِ گوشگ اِنت کہ مپتی زبیر ء مراد ھان جتک ھزدار ءِ ھند سالہ آباد ءِ جاہ منند اِنت20 نومبر 2025 ءَ شپ ءِ دوازدہ ءَ چہ شال ءِ ھند لکپاس ءَ پاکستانی پوج ءَ آوار جتگ ءُ بیگواہ کرتگ۔ چہ مپتی زبیر ءِ بیگواھی ءَ مئے سرجمیں کھول رنجانی دیمپان اِنت۔
آئی ءَ گوں سرکار ءُ ڈیھ ءِ ادارھانی سروکاں لوٹ کرتگ کہ آ پہ مپتی زبیر ءِ آجوئی ءَ وتی کرد ءَ پیلو بہ کن اَنت ءُ کھول ءَ چہ اے رنجاں بہ رکین اَنت۔
کھول ءَ گوں انسانی ھکانی کارکن، سیاسی ءُ چاگردی گل ءُ سیول سوسائٹی ءَ لوٹ کرتگ کہ آ پہ مپتی زبیر جتک ءِ آجوئی توار چست بہ کن اَنت۔
