شال: بیگواھیں بلوچانی توار ( وی بی ایم پی ) ءِ کارگشاد ءُ زور بیگواھیں ڈاکٹر دین مھمد ءِ جنک سمی دین ءَ ماں چاگردی رسانکدر ایکس ءَ شال ءَ مچی ءِ پژدر ءَ نبشتگ کہ زوراکاں سرپد بوگی اِنت مردم گیشتر زوراکی، لٹ شاپ ءُ زوریں بیگواھی ءَ اوپار کرت نہ کن اَنت۔ اے وڑ بوت نہ کنت کہ شما مردماں بیگواہ بہ کن اِت، مردمی ھکاں پادمال بہ کن اِت، دزگیر کرتگیں ورنایانی لاشاں چگل بہ دے اِت ءُ وتی ڈیھ ءِ کانود ءَ لگتمال بہ کن اِت کشندہ ٹولی ءَ ھلاسی ءَ ابید وتی اسمبلیانی تہ ءَ بیار اِت ءُ مئے جھگیر پیش بدار اِت۔
آئی ءَ گوشتگ کہ گوستگیں ھپتاد ءُ پنچ سالانی زوراکیاں بلوچ ھما جاہ ءَ سر بوتگ اَنت نوں شمئے زوراکی ءُ گیشتر لاش چست نہ کن اَنت۔
سمی دین ءَ گوشتگ کہ ما ءُ مئے زندگیانی سوڑگ ءَ تو نہ ما وت کن ایں۔ گَھگیری زندمان اِنت، گَھگیری پدریچ اِنت، گَھگیری زانشت اِنت۔
