مردمی اگبالانی جھانی روچ ءِ درگت ءَ آدینگ ءِ روچ ءَ جرمنی ءِ شھر ھیگن ءَ ایمنسٹی انٹرنیشنل ھیگن ٹولی ءِ سروکی ءَ مراگشے برجم دارگ بیتگ۔
اے مراگش ءَ کولسنکووا، سوریا ءُ آدگہ ڈیھانی پیم ءَ بلوچستان ءَ سیاسی کارکنانی جنجالانی بابت ءَ تران کنگ بیتگ۔
ایمنسٹی ءَ گْوشتگ کہ مارا پاکستان ءَ بلوچانی جنجالاں سرپدیں۔بلوچ پاکستان ءِ زِرباری روکپتی دمگ ءَ جھمنند اَنت ءِ ایشانی وتی دود ءُ ربیدگ ھست اَنت۔
آئی گْوشتگ کہ سیاسی کارکن ءُ آیانی کھول لشکر ءُ چیریں تْرامگیجانی نیمگ ءَ بازیں کچے ءَ آوار جنگ بنت ءُ مدام زوراکی کنگ ءَ پد جنگلاں چگل دیگ بنت۔
اے مراگش ءَ زورانسری بیگواھیں بی ایس او آزاد ءِ پیشگیں سرکماش زاھد،ڈاکٹر دین مھمد،شبیر،رمزان،اسد،زاکر مجید،راشد ھسین ءُ پہ آدگراں پنتاک بھرکنگ ءُ آیانی کیسانی بابت ءَ کار ءِ برجاہ دارگ ءِ سْوڑگ کنگ بیتگ ءُ بلوچستان ءَ زورانسری بیگواھیں مردمانی دیم ءَ آرگ ءِ لوٹ کنگ بیتگ۔ بنشون:مانیٹرینگ ڈیسک /اکس:دامگ
بلوچستان ءَ لشکر سیاسی کارکنانی آوار جنگ ءَ ھوار اِنت_ایمنسٹی انٹرنیشنل ھیگن
مردمی اگبالانی جھانی روچ ءِ درگت ءَ آدینگ ءِ روچ ءَ جرمنی ءِ شھر ھیگن ءَ ایمنسٹی انٹرنیشنل ھیگن ٹولی ءِ سروکی ءَ مراگشے برجم دارگ بیتگ
