شال ءَ پہ زور بیگواھیں مردمانی آجوئی ءَ وائس پار بلوچ مسنگ پرسن ءِ زھرشانی گدانءَ شال پریس کلب ءِ دیم ءَ6037 روچ سرجم بوتگ۔
پنچ شمبے ءِ روچ ءَ جتائیں بھرگاں سیادی داروکیں مردم پہ ھمدردی درشان کنگ ءَ گدانءَ اتکگ اَنت کہ گوں آیاں زالبول ھم گوں بوتگ۔
زھرشانی ءَ اتکگیں مردماں چہ سرکار ءَ لوٹ کرتگ کہ درسیں زور بیگواھیں مردم زوت دیم ءَ آرگ بہ بنت، اگاں کسے ءِ سر ءَ چونیں ھم بھتامے ھست گڑا آمیدگس ءَ پیش کنگ بہ بنت۔
آیاں گوشتگ کہ زوریں بیگواھی انسانی ھکانی لگتمالی اِنت ءُ پہ اے جیڑہ ءِ گیش ءُ گیوار کنگ ءَ دلجمیں وڑے ءَ پٹ ءُ پول کنگ بہ بیت۔
وی بی ایم پی ءِ چیئرمین نسراللہ بلوچ ءِ گوشگ اِنت دانکہ زوریں بیگواھی ءُ درکانودی کوش ھلاس مہ بیت ءُ درسیں زور بیگواھیں مردم یل کنگ مہ بنت مئے زھرشانی گدان گوں پر ایمنی ءَ برجاہ بیت۔
