شال: گوستگیں شپ ءَ شال ءِ ھند اسپینی دگ ءَ کلی ترکام ءَ سی ٹی ڈی ءِ کارمنداں نامداریں شائر ءُ گشنده پروپیسر نوشین کمبرانی ءِ گس ءَ بیڑ برتگ ءُ مردم لٹ ءُ شاپ کرتگ اَنت۔
نوشین کمبرانی ءِ برات گھار اپشین کمبرانی ءَ ماں رسانکدر ءَ وتی شنگ کرتگیں کلوھے ءَ گوشتگ دوشی ادار دو ءَ پاکستانی لشکر ءُ چیریں ادارھانی کارمند گس ءِ دیوال ءَ سر کپتگ ءُ گس ءَ پترتگ اَنت، آیاں نوشین ءِ گس اِش پٹ ءُ پول کرتگ ءُ کھول ءِ سر ءَ زوراکی کرتگ، اِے وھد ءَ نوشین گس ءَ ساڑی نه بیتگ.
چوش که گوستگیں روچاں نوشین کمبرانی ءِ دو برات ناسر کمبرانی ءُ ابدالرھمان کمبرانی جتائیں وھداں چه گس ءَ آوار جنگ ءُ زور بیگواه کنگ بیتگ اَنت. چه ایشی ءَ اَبید ھمے ماه ءَ کمبرانی ٹک ءِ ھشت مردم زور بیگواه کنگ بیتگ. کھولاں وتی مردمانی زوریں بیگواھی ءِ بگیری ءَ پریس کانپرس کرتگ ءُ گوشتگ که آ اگاں داں بیست ءُ چار اداراں آجو کنگ نه بیت اَنت زھرشانی کن اِیں.
