چہ ھب چوکی ءَ پاکستانی چیریں ادارہ ءُ سی ٹی ڈی ءِ کارمنداں جنینے آوار جنگ ءَ پد بیگواہ کرتگ۔
زرمبش جھگیر ءِ رد ءَ زور بیگواھیں جنین ءِ نام ھاجرہ بلوچ اِنت ءُ سنا اللہ ءِ لوگبانک اِنت کولواہ گیشکور ءِ جاہ منند اِنت۔ مرچی شپ ءَ سی ٹی ڈی ءُ چیریں دارھانی کارمنداں ھب چوکی ءِ ھند دارو ھوٹل، زھری گوٹ ءَ بیڑ برتگ ءُ آوار جنگ ءَ پد بیگواہ کرتگ۔
چوش کہ چہ ایشی پیش ھم 22 نومبر 2025 ءَ پاکستانی پوج ءَ چہ ھب چوکی ءِ دارو ھوٹل ءَ نسرینہ بلوچ ء دلاور کہ آواران ءِ جاہ منند اِنت آوار جتگ ءُ بیگواہ کرتگ اَت کہ انگت بیگواہ اِنت۔ نسرینہ بلوچ ءِ زوریں بیگواھی ءِ بگیری ءَ آئی کھول ءَ مرچی پریس کانپرنس ھم کرتگ اَت۔
