بلوچ لبریشن آرمی (بی ایل اے) ءِ جارکش جیئند بلوچ ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں شال ءَ پاکستانی پوج ءِ سر ءَ اُرش کرتگ ءُ تاوان داتگ۔
آئی گوشتگ کہ بی ایل اے ءِ سرمچاراں شال ءِ ھند ڈگاری دوراھی ءَ زورگریں پاکستانی پوج ءِ گاڑی ھما وھد ءَ سنگر گپتگ ءُ نشانگ کرتگ اَنت کہ آ وتی بنجل ءِ نیمگ ءَ روگ ءَ بوتگ اَنت۔
جارکش ءَ گوشتگ کہ سرمچاراں زورگریں پوج ءِ سر ءَ گوں راکٹ ءُ آدگہ سلاھاں اُرش کرتگ کہ پوج ءِ دو گاڑی اُرش ءِ زد ءَ آتکگ۔ چہ راکٹ ءِ لگگ ءَ یک گاڑی یے سکا تاوان بوتگ۔ اُرش ءِ آسر ءَ زورگریں پوج ءِ چار کارمند مرتگ ءُ باز ٹپی بوتگ۔
جیئند بلوچ ءَ درشان ءِ گڈی ءَ اُرش ءِ زمہ واری من اتگ۔
