نودربرانی زوریں بیگواھی ءِ بگیری ءَ تربت یونیورسٹی ءِ نودربراں زھرشانی روانکے کش اتگ۔ روانک ءَ بچک ءُ جنکیں نودربراں بازیں کچے ءَ بھر زرتگ۔
زھرشانی کنوکیں نودربراں پلے کارڈ دستاں بوتگ کہ آیانی سر ءَ جتائیں اوگام نبشتہ بوتگ ءُ پہ بیگواھیں نودربرانی آجوئی ءَ لوٹ کنگ بوتگ۔
زھرشانی کنوکیں نودربرانی گوشگ اِنت کہ ھمے سال ءَ سے ورنا نورھان ء نزر مھمد، امران ھان ء تاج مھمد ءُ رھمت اللہ ء مھمد بکش آوار جنگ ءُ بیگواہ کنگ بوتگ اَنت کہ سے ئیں ورنا تربت یونیورسٹی ءِ بلوچی بھرگ ءِ نودربر اَنت۔
آیاں گوں سرکار ءَ لوٹ کرتگ کہ پہ بیگواھیں نودربرانی آجوئی ءَ زوت گامگیج زورگ بہ بیت۔
