کیچ: تربت یونیورسٹی ءَ کمپیوٹر سائنس ءِ لیکچرار بالاچ بالی ءِ درکانودی آوارجنی ءُ بیگواھی ءِ بگیری ءَ مرچی دو روچ اِنت کہ تُربَت یونیورسٹی ءَ نودربر ءُ استادانی زھرشانی برجاہ اِنت۔ نودربراں پلے کارڈ دست ءَ بوتگ کہ آیانی سر ءَ جتائیں اوگام نبشتہ بوتگ۔
آیاں گوشتگ کہ بالاچ بالی نہ تھنا یک زمہ واریں استادے بلکیں وتی وانگی کارانی سوب ءَ نودربرانی کر ءَ یک مزنیں کردے پیلو کرتگ۔
زھرشانی کنوکاں گوں سرکار ءَ لوٹ کرتگ کہ پہ بالاچ بالی ءِ آجوئی ءَ زوت دلجمی دیگ بہ بیت ءُ اے ویل ءِ بگیری ءَ شریں وڑے ءَ پٹ ءُ پول کنگ بہ بیت۔
نودربراں گوشتگ دانکہ مئے استاد آجو کنگ نہ بیت مئے زھرشانی برجاہ بیت۔
