مستونگ ءِ ھند ٹنڈلان ءَ پاکستانی پوج ءَ یکیں دو مردم آوار جتگ ءُ بیگواہ کرتگ۔
اھوالکار ءِ رد ءَ بیگواہ کرتگیں مردمانی نام مھمد شپا ء سپر ھان ءُ ابیداللہ ء ابدلگنی اِنت کہ وت ما وت ناکوزتک اَنت۔ دوئیں مردم پولیس کارمند اَنت ءُ 21 نومبر ءَ پاکستانی پوج ءَ سھب ءِ ادار دہ ءَ چہ شمس آباد ءَ ھما وھد ءَ آوارجتگ ءُ بیگواہ کرتگ اَنت کہ آیاں چہ وتی ڈیوٹی ءَ موکل کرتگ ءُ گس ءَ روگ ءَ بوتگ اَنت۔
بی وائی سی مستونگ ھنکین ءَ آیانی بیگواھی ءِ گپ راست کرتگ ءُ گوشتگ کہ ما گوں انسانی ھکانی ادارھاں لوٹ کن ایں کہ آ پہ ورنایانی آجوئی ءَ گامگیج بہ زور اَنت ءُ پہ آیانی آجوئی ءَ وتی کرد ءَ پیلو بہ کن اَنت۔
