بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں گل ءِ چیریں بھرگ ءِ ھال دیگ ءِ بنیاد ءَ 23 نومبر ءِ بیگاہ ءِ چار ءِ نزیک ءَ بلیدہ گلی ءَ کاروائی کرتگ ءُ پہ زورگریں پوج ءَ ورگی ءُ لشکری سامان ءِ برگ ءِ بھتام ءَ لھتیں گاڑی داشتگ۔ پہ ھال ءِ راست بوگ ءَ گاڑیانی ٹائر تراکینتگ اَنت ءُ گاڑی واھند کڈن کنگ ءَ پد یل داتگ اَنت۔ ھمے میان ءَ پاکستانی پوج ءَ سرمچارانی انگر کنگ ءِ جھد کرتگ، سرمچار ءُ پوج ءِ میان ءَ داں نیم ادارے ءَ ترندیں میڑے بیتگ۔ زورگریں پوج ءَ سرمچارانی بگیری ءَ ٹوھیں سلاہ کارمرز کرتگ بلے سرمچار چہ چیر جنگی ءِ رپکاں درکپگ ءَ سوبین بیتگ اَنت۔
آئی ءَ گوشتگ کی بیست نومبر ءَ ھپت ءِ نزیک ءَ بی ایل ایپ ءِ سرمچاراں پَنجگُور ءِ ھند سوراپ ءَ سی پیک دگ بستگ ءُ داں یک ادارے ءَ پٹ ءُ پول کرتگ۔ ھمے دگ بندی ءِ میان ءَ سرمچاراں یک لشکری شرکتے ءِ دو گاڑی تاوان داتگ۔
میجر گھرام ءَ درشان ءِ گڈی ءَ ارشانی زمہ واری منّ اِتگ۔
