گْوادر ءِ ھند پسنی ءَ پاکستانی پوج ءَ بیڑ برتگ ءُ دو برات دوشمبے بلوچ ءُ میا داد بلوچ آوار جتگ ءُ بیگواہ کرتگ اَنت۔
بی این ایم ءِ انسانی ھکانی ادارہ پانک ءِ رد ءَ دوشمبے ءُ میا داد پکیر مھمد ءِ زھگ اَنت کہ پسنی ءِ میتگ وارڈ نمبر یک ءِ جاہ منند اَنت۔ پاکستانی پوج ءَ دوشی آوار جتگ ءُ بیگواہ کرتگ اَنت۔
ھندی بنشون ءِ رد ءَ پاکستانی پوج ءَ بیڑ برگ ءِ میان ءَ جنین ءُ زھگاں ھوار مردم لٹ ءُ کٹ کرتگ اَنت۔
